لندن : ایم کیو ایم کے قائد الطاف حسین نے کہا ہے کہ نائن زیرو سے برآمد اسلحہ لائسنس یافتہ تھا، باورچی کو بھی گرفتار کرکے مطلوب دہشت گرد کہا گیا، ایم کیو ایم بھتہ خور جماعت نہیں۔
لال قلعہ گراؤنڈ عزیز آباد میں اپنے ٹیلی فونک خطاب میں متحدہ قومی موومنٹ کے قائد الطاف حسین نے کہا کہ غیرقانونی اسلحہ برآمدگی کے جھوٹےدعوے پر کارروائی نہیں کی گئی۔
انہوں نے کہا کہ خورشید بیگم میموریل ہال سے گرفتار باورچی کو مطلوب دہشت گرد بتایا گیا، الطاف حسین نے کہا کہ زکوٰۃ، فطرے جمع کرنے والے کارکنان پر بھتہ خوری کا الزام لگایا جا رہا ہے۔
الطاف حسین نے کہا ہے کہ رابطہ کمیٹی نے فیصلہ کیا کہ اس سال عید کا امدادی پروگرام نہیں کیا جائے گا، لیکن انہوں نے رابطہ کمیٹی کو ہدایت کی ہے کہ یہ پروگرام سینتیس سال سے جاری ہے، اس سال بھی ہوگا، چاہے چھوٹے پیمانے پر ہی کیوں نہ ہو۔
الطاف حسین نے کے الیکٹرک سے کہا کہ بجلی دو ورنہ کراچی سے دفتر اٹھا کر لے جاؤ، انہوں نے کہا کہ رابطہ کمیٹی لوڈشیڈنگ کے خلاف جلد مشترکہ مظاہرے کا اعلان کریگی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں