The news is by your side.

Advertisement

نامعلوم افراد کی فائرنگ سے ڈی ایس پی ڈرائیور سمیت جاں بحق

کراچی : شاہ فیصل کالونی میں فائرنگ سے ڈی ایس پی ذوالفقار زیدی ڈرائیورسمیت جاں بحق ہوگئے۔ تفصیلات کے مطابق پولیس ایک بار پھر ٹارگٹ کلرز کےنشانے پر آگئی۔

شاہ فیصل کالونی نمبر دو میں ہوٹل پر نامعلوم مسلح افراد کی فائرنگ سے ڈی ایس پی ذوالفقار زیدی جاں بحق ہو گئے، مذکورہ واقعے میں فائرنگ سے ان کا ڈرائیور شہزاد بھی جاں بحق ہو گیا۔

شہید ڈی ایس پی ذوالفقار زیدی ہائی کورٹ میں سیکیورٹی انچارج کے عہدے پر تعینات تھے، آئی جی سندھ غلام حیدر جمالی کا کہنا ہے کہ فائرنگ کے وقت علاقے کی لائٹ گئی ہوئی تھی، جس کا فائدہ اٹھاتے ہوئے ملزمان باآسانی فرار ہونے میں کامیاب ہوگئے،انہوں نے کہا کہ واقعے کی تفتیش سائنٹیفک طریقے سے کی جائے گی ۔

واضح رہے کہ ٹارگٹ کلنگ کے واقعے سے علاقہ ایس ایس پی کافی دیر تک لاعلم رہے، شہر قائد میں ایک ماہ کے دوران ڈی ایس پی کے قتل کا یہ دوسرا واقعہ ہے۔

اس سے قبل اسٹیل ٹاؤن میں نامعلوم افراد کی فائرنگ سے ڈی ایس پی ملیر بھی جاں بحق ہوئے تھے۔

علاوہ ازیں وزیر اعظم نواز شریف نے ڈی ایس پی ذوالفقار زیدی  کے قتل کا نوٹس لے کر رپورٹ طلب کرلی ہے، جبکہ وزیر اعلیٰ سندھ سید قائنم علی شاہ نے واقعے کی پرزور مذمت کرتے ہوئے  ملزمان کی جلد ازجلد گرفتاری کی ہدایات دی ہیں۔

Comments

comments

یہ بھی پڑھیں