site
stats
پاکستان

نامعلوم افرد بارہ سالہ بچے پر تیزاب پھینک کر فرار

لاہور: ورکشاپ پرکام کرنےوالےبچےپرتیزاب پھینک دیا گیا۔ تفصیلات کے مطابق لاہور کےعلاقے ستوکلتہ میں نامعلوم افراد نے بارہ سالہ بچے کو تیزاب گردی کا نشانہ بنا ڈالا۔

بلال پر تیزاب پھینکنے کا واقعہ ورکشاپ میں پیش آیا جہاں وہ ملازم ہے۔ بچے کو زخمی حالت میں جناح اسپتال منتقل کردیا گیا ۔

واقعے کی اطلاع ملتے ہی پولیس بھی جائے وقوعہ پر پہنچ گئی۔ پولیس کو دیئے گئے بیان میں زخمی بلال کا کہنا تھا کہ وہ نہیں جانتا کہ اس پر تیزاب کس نے پھینکا ہے۔

بلال کے والد ریاض کی مدعیت میں نامعلوم افراد کے خلاف تیزاب پھینکنے کا مقدمہ تھانہ ستوکتلہ میں درج کرلیا گیا ہے۔ مقدمہ تین سو چوبیس اور تین سو چھتیس دفعات کے تحت درج کیا گیا ہے۔

پولیس حکام کا کہنا ہے کہ ملزمان کی گرفتاری کیلئے تحقیقات شروع کردی گئیں ہیں اور بہت جلد ملزمان کوعدالت کے کٹہرے میں لایا جائے گا۔

اس سلسلے میں ورکشاپ میں کام کرنے والے دیگر افراد سے بھی پوچھ گچھ کا سلسلہ جاری ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top