نامور ماڈل آیان علی منی لانڈرنگ کے الزام میں گرفتار -
The news is by your side.

Advertisement

نامور ماڈل آیان علی منی لانڈرنگ کے الزام میں گرفتار

سلام آباد: اسلام آباد بینظیرانٹرنیشنل ائیرپورٹ پر ملک کی نامور ماڈل آیان علی کو گرفتار کر کے 5 لاکھ امریکی ڈالر برآمد کرلیے گئے ہیں۔

ائیرپورٹ ذرائع کے مطابق  ماڈل آیان علی کو دبئی جاتے ہوئے بے نظیر انٹرنشنل ائیرپورٹ پر منی لانڈرنگ کے الزام میں گرفتار کیا گیا ، بہترین ماڈلز کی فہرست میں شامل نامور ماڈل آیان علی  پرغیر ملکی کرنسی اسمگل کرنے کا الزام  ہے۔

آیان علی نجی ایئرلائن کی پرواز کے ذریعے دبئی جا رہی تھیں کہ اے ایس ایف کے کاؤنٹر پر سامان کی تلاشی کے دوران بیگ کے خفیہ خانوں سے پانچ لاکھ ڈالر سے زائد کی رقم برآمد کی گئی، جس پر انہیں غیر ملکی کرنسی اسمگل کرنے کی کوشش کے الزام میں گرفتار کرلیا گیا۔

کسٹم حکام نے ملزمہ کو حراست میں لے لیا اور انھیں کسٹم ہاؤس منتقل کردیا گیا، جہاں ان سے مزید تفتیش کی جائے گی۔

کسٹم حکام کا کہنا ہے کہ ایان علی کے خلاف کسٹم ایکٹ کے تحت مقدمہ درج کرلیا گیا اور انہیں قانونی کارروائی کے بعد عدالت میں پیش کیاجائیگا۔

 

Comments

comments

یہ بھی پڑھیں