The news is by your side.

Advertisement

نبیل گبول نے سیاسی ہجرت کا اشارہ دے دیا

کراچی:سابق ممبر قومی اسمبلی نبیل گبول نے آنے والے دنوں میں’بڑی سیاسی چال‘چلنے کا عندیہ دے دیا۔

نبیل گبول نے متحدہ قومی موومنت چھوڑنے کا بھی اشارہ دیا ہے انکا کہنا تھا کہ وہ خود کو پارٹی میں مس فٹ سمجھتے ہیں۔

اسلام آباد میں صحافیوں سے گفتگو کرتے انہوں نے کہا کہ وہ پارٹی کو زیادہ وقت نہیں دے پارہے تھے ۔

نبیل گبول نے واضح کیا کہ ان کے ایم کیو ایم سے کسی قسم کے اختلافات نہیں ہیں اورانہوں نے یہ بھی کہا کہ انہوں نے تاحال پارٹی نہیں چھوڑی ہے۔

ان کا کہنا تھا کہ وہ کسی بھی قسم کے دباؤ میں نہیں آئیں گے۔

نبیل گبول نے یہ بھی بتایا کہ وہ 15 دن قبل ہی پارٹی قیادت کو استعفیٰ بھجواچکے ہیں۔

انہوں نے آئندہ روز پریس کانفرنس کا اعلان کرتے ہوئے بڑی سیاسی چال چلنے کا اعلان کیا۔

ایم کیوایم کاردعمل

دوسری جانب ایم کیو ایم کے ترجمان کا کہنا ہے کہ نبیل گبول اپنی نجی مصروفیات کے باعث عوامی مسائل پر توجہ نہیں دے پارہے تھے لہذا پارٹی نے انہیں ایم این اے کی نشست سے مستعفی ہونے کامشورہ دیا تھا۔

ایم کیو ایم کے رہنماء رشید گوڈیل نے میڈیا سے گفتگو کرتے ہوئے کہاکہ نبیل گبول نے صرف قومی اسمبلی سے استعفیٰ دیاہے اور وہ ابھی بھی پارٹی کا حصہ ہیں۔

Print Friendly, PDF & Email

Comments

comments

یہ بھی پڑھیں