The news is by your side.

Advertisement

نوازشریف غلطیوں پر غلطیاں کررہےہیں، اپوزیشن لیڈر

اسلام آباد: اپوزیشن لیڈر خورشید شاہ کا کہنا ہے کہ حکومت گلگت بلتستان میں الیکشن سے پہلے دھاندلی کا منصوبہ بنارہی ہے، نوازشریف غلطیوں پر غلطیاں نہ کریں۔

گلگت بلتستان کے اعلی سرکاری عہدوں پر ن لیگ کے من پسند افراد کی تقرری پر پیپلزپارٹی کی تشویش کا اظہار کیا ہے۔

قومی اسمبلی میں قائدِ حزبِ اختلاف خورشید شاہ نے گلگت بلتستان میں وزیراعلی کی تقرری پر تنقید کرتے ہوئے کہا کہ نوازشریف سے درخواست ہے کہ غلطیوں پرغلطی نہ کریں گلگت بلتستان میں دھاندلی سے ثابت ہورہا ہے عام انتخابات میں دھاندلی ہوئی۔

انھوں نے کہا کہ ن لیگ نےگلگت بلتستان میں پری پلان دھاندلی کا منصوبہ بنالیا ہے، گورنر اور چیف الیکشن کمشنر اپنا لگانے کے بعد حکومت نے وزیرِاعلی کا منصب بھی من پسند شخص کو سونپ دیا۔

اپوزیشن لیڈر نے کہا کہ تحریکِ انصاف کا پارلیمنٹ نہ آنا ملک ،جمہوریت اور آئین کیلئے نقصان دہ ہوگا۔

Print Friendly, PDF & Email

Comments

comments

یہ بھی پڑھیں