نوازشریف منتخب وزیراعظم ہیں،استعفی کا مطالبہ نہیں کیاجاسکتا، امریکا -
The news is by your side.

Advertisement

نوازشریف منتخب وزیراعظم ہیں،استعفی کا مطالبہ نہیں کیاجاسکتا، امریکا

واشنگٹن: امریکا نے کہا ہے کہ پاکستان میں آئینی اورجمہوری عمل کے حامی ہیں، کسی غیرآئینی تبدیلی کی حمایت نہیں کریں گے۔

دفترخارجہ کی ترجمان میری ہاف نے میڈیا بریفنگ میں کہا کہ نوازشریف پانچ سال کے لیے وزیراعظم منتخب ہوئے ہیں، ان سے مستعفی ہونے کا مطالبہ نہیں کیاجاسکتا، امریکا پاکستان کے ساتھ جمہوریت کے لیے کام کر رہا ہے۔

محکمہ خارجہ کا کہنا تھا کہ امریکا پاکستان کی صورتحال کا بغور جائزہ لے رہا ہے، فریقین کو تشدد سے گریز کرنا چاہیے، پاکستان کی صورتحال کو تشویش ناک قرار نہیں دیا جاسکتا، سیاسی ڈائیلاگ کے لیے گنجائش موجود ہے، اسے پُرامن رہنا چاہیے۔

امریکا پاکستان میں غیر آئینی تبدیلی کی حمایت نہیں کرے گا۔ انتخابی عمل جاری رہنا چاہئیے، پاک بھارت تعلقات کے بارے میں ترجمان کا کہنا تھا کہ امریکا پاک بھارت تعلقات میں بہتری چاہتا ہے اور صورتحال کی بہتری کے لئے دونوں ملکوں کی حکومت سے رابطے میں ہے۔

Comments

comments

یہ بھی پڑھیں