نوازشریف وزیراعظم رہنےکاحق کھوچکےہیں، لیاقت جتوئی -
The news is by your side.

Advertisement

نوازشریف وزیراعظم رہنےکاحق کھوچکےہیں، لیاقت جتوئی

کراچی: سندھ کے سابق وزیر ِ اعلیٰ اور مسلم لیگ ن کے رہنماء لیاقت جتوئی نے وزیراعظم نواز شریف سے استعفے کا مطالبہ کرتے ہوئے کہا ہےکہ وزیراعظم اورکابینہ ارکان پر قتل اورکرپشن کے الزامات ہیں، وہ حکومت میں رہنے کا حق کھو چکے ہیں۔

 لیاقت جتوئی نے مطالبہ کیا ہے کہ وزیرِاعظم پاکستان میاں محمد نواز شریف فوری طور پر استعفی دیں اورملک میں قومی حکومت قائم کی جائے، جو چھ ماہ تک اصلاحات کرتے ہوئے کرپٹ سیاست دانوں اور بیورو کریٹس کے خلاف کاروائی کرے۔ پھر نئے الیکشن کرائے جائیں۔

لیاقت جتوئی کا مزید کہنا تھا دوہزار تیرہ کے انتخابات میں لاہور کے انار کلی بازار اورکراچی کے پاکستان بازار میں لاکھوں بیلٹ پیپر چھاپے گئے جنہیں الیکشن سے دو روز قبل ایسے منظور نظر امیدواروں میں تقسیم کیے گئے۔ جنہیں انتخابات میں شکست کا ڈر تھا۔

Comments

comments

یہ بھی پڑھیں