site
stats
اہم ترین

نوازشریف پر دھاندلی کی تحقیقات میں اعتماد نہیں،عمران خان

اسلام آباد: عمران خان نے اپنے تازہ ٹوئٹ میں کہا ہے کہ انتخابی دھاندلیوں کی تحقیقات کیلئے نوازشریف پراعتماد نہیں کرسکتے۔

ٹوئٹر پر اپنے پیغام میں تحریک انصاف کے چئیرمین عمران خان نےکہا کہ نواز شریف کاریکارڈ ہے کہ وہ گواہوں کوڈراتے اورخریدتے ہیں۔شہباز شریف سانحہ ماڈل ٹاؤن کی ایف آئی آر سبوتاژ کرچکے ہیں، انتخابی دھاندلیوں کی تحقیقات کے سلسلے میں نوازشریف پراعتماد نہیں کیا جاسکتا۔

انھوں نے کہا کہ دھرنا ختم کرنے سے دباؤ ختم ہوا تو نواز شریف تحقیقات پر اثرانداز ہونے کی ہرممکن کوشش کریں گے۔

چئیرمین پی ٹی آئی کا کہنا تھا کہ نوازشریف ماضی میں بھی جھوٹ بولتے رہے ہیں، چاہے ایٹمی دھماکے کا معاملہ ہو یا بینک اکاؤنٹس منجمد کرنے کا فیصلہ، نواز شریف نے ڈیل کے تحت ملک سے باہرجانے کے بارے میں بھی جھوٹ بولا اور دو ہزار آٹھ میں الیکشن کا بائیکاٹ کرکے پیچھے ہٹ گئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top