ساہیوال: عوامی مسلم لیگ کے سربراہ شیخ رشید نے تحریکِ انصاف کے جلسے سے خطاب کرتے ہوئے کہا کہ حکومت نے عمران خان کو گرفتار کیا تو پورے ملک میں آگ لگا دیں گے۔
انہوں نے جلسے کے شرکاء کو مبارک باد دی کہ مریم نواز کا استعفیٰ آگیا ہے شہباز شریف اور حمزہ شہباز بھی جتنی جلدی کریں اچھا ہے۔
ان کا کہنا تھا کہ نواز شریف جانتے ہیں کہ وہ بخوشی جیل جائیں گے، ان کا ہاتھ بھی کٹ جائے تو عمران خان سے جدا نہیں ہوں گے۔
عوامی مسلم لیگ کے سربراہ شیخ رشید نے اپوزیشن لیڈر خورشید شاہ کو تنقید کا نشانہ بناتے ہوئے کہا کہ اپوزیشن سے زیادہ سرکار کے ایجنٹ کا کردار ادا کررہے ہیں۔
انہوں نے وزیر اعظم نواز شریف کو متنبہ کیا کہ اگر ان میں ہمت ہے تو عمران خان کو گفتار کر کے دکھائیں وہ ملک بھر میں آگ لگادیں گے ساتھ ہی ساتھ شیخ رشید نے یہ بھی کہا کہ وہ نواز شریف کا اقتدار ختم کرکے دم لیں گے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
