The news is by your side.

Advertisement

نوازشریف کل نریندرمودی سے ملاقات کریں گے

اسلام آباد: ترجمان دفترخارجہ نے پاک بھارت وزرائے اعظم کے درمیان آئندہ روز ملاقات کی تصدیق کردی ہے، وزیراعظم نواز شریف اورنریندر مودی کی ملاقات روس کے شہر اوفا میں ہوگی۔

دفترخارجہ کے ترجمان کی جانب سے جاری کردہ بیان کے مطابق وزیراعظم نوازشریف کی بھارتی ہم منصب نریندی مودی سے کل روس میں ملاقات ہوگی۔

بھارت نے وزیراعظم نوازشریف اورنریندر مودی کی ملاقات کی تجویزدی جس کا پاکستان نے خیر مقدم کیا اور بھارت کی طر ف سے دونوں وزرائے اعظم کی ملاقات کا مثبت جواب دیا۔

ترجمان دفترخارجہ کا کہنا ہے کہ وزرائے اعظم کی ملاقات سےدو طرفہ تعلقات میں درپیش کشیدگی میں کمی آئے گی۔

وزیراعظم نوازشریف روس میں شنگھائی تعاون تنظیم کے سربراہوں کی کونسل کے اجلاس میں شرکت کرنے کے لئے اوفا میں موجود ہیں۔

وزیراعظم برکس کے ساتویں اجلاس میں بھی شرکت کریں گے۔

روس میں وزیراعظم کی روس، چین اورافغان صدورپیوٹن، شی جن پنگ اوراشرف غنی سے بھی ملاقات متوقع ہے۔

Print Friendly, PDF & Email

Comments

comments

یہ بھی پڑھیں