کراچی: ایم کیوایم کے قائد الطاف حسین نے کہا ہے کہ پاک بھارت وزرائے اعظم ملاقات میں مسئلہ کشمیر پر خاموشی کشمیر سے دستبرداری کے مترادف ہے۔
خلیجی ممالک میں افطار پارٹیوں سے خطاب میں الطاف حسین کا کہنا تھا کہ نواز مودی ملاقات میں کشمیر کے مسئلے کو اجاگر نہ کرنے سے لگتا ہے کہ نواز حکومت مسئلہ کشمیر سے دستبردار ہوگئی ہے۔
ان کا کہنا تھا کہ نوازشریف میں اتنی جرات نہ ہوسکی کہ وہ مودی کے سامنے بھارتی مظالم کے خلاف آواز اٹھاسکیں۔
الطاف حسین نے کہا کہ پاکستان کو لوٹنے والے بانیان پاکستان پر غداری کے الزام لگارہے ہیں ،انہوں نے کہا کہ ضرب عضب کی سب سے پہلے حمایت کرنے والی جماعت ایم کیوایم ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں