نواز شریف اورشہباز شریف کو شہداء کے خون کا قصاص دینا ہو گا، طاہرالقادری -
The news is by your side.

Advertisement

نواز شریف اورشہباز شریف کو شہداء کے خون کا قصاص دینا ہو گا، طاہرالقادری

لاہور: ماڈل ٹائون میں پولیس کی فائرنگ سے آٹھ افرد کی شہادت کو ایک ماہ ہو گیا، علامہ طاہر القادری نے کہا ہے کہ وزیر اعظم نواز شریف ا ور شہباز شریف کو قصاص دیناہوگا۔

سانحہ ماڈل ٹائون میں پولیس کی فائرنگ میں آٹھ افراد کی شہادت کو ایک ماہ ہو گیا ، اس موقع پر ڈاکٹر طاہرالقادری نے خصوصی پیغام میں کہاکہ نواز شریف اور وزیر اعلٰی شہباز شریف کو شہداء کے خون کا قصاص دینا ہو گا، اسلام آباد میں سانحہ ماڈل ٹائون کیخلاف آبپارہ میں مظاہرہ ہو ا جس سے عوامی تحریک کے رہنما عمرعباسی جمشید دستی،شیخ رشید اورجے سالک اور احمد رضا قصوری شریک ہوئے ۔

کراچی میں پریس کلب کےباہر ریلی میں عوامی تحریک،کے علاوہ مسلم لیگ ق ، متحدہ قومی موومنٹ، تحریک انصاف، مجلس وحدت المسلمین، سنی اتحاد کونسل، آل پاکستان مسلم لیگ، اور دیگر جماعتوں کےنمائندوں نے شرکت کی ، فیصل آباد میں عوامی تحریک کی ریلی کی قیادت مرکزی ناظم اعلیٰ تحریک منہاج القرآن زاہد فیاض نے کی ریلی کے اختتام پر شہدا کی یاد میں چوک گھنٹہ گھر پر شمعیں روشن کی گئیں ۔

کوئٹہ میں پریس کلب کے سامنے احتجاجی مظاہرہ کیا گیا ، عوامی تحریک کے رہنما ڈاکٹر اشتیاق احمد بلوچ ، خالد احمد اور دیگر کا کہنا تھا کہ سانحہ ماڈل ٹاون کی تمام تر ذمہ داری حکومت پنجاب پر عائد ہوتی ہے، گوجرانوالہ میں پاکستان عوامی تحریک نے احتجاجی ریلی نکالی شیرانوالہ باغ سے ہوتی ہوئی ریل بازار پہنچ کرختم ہوئی۔

Comments

comments

یہ بھی پڑھیں