The news is by your side.

Advertisement

نواز لیگ اوراے این پی نے سینیٹ امیدواروں کے ناموں کا اعلان کردیا

اسلام آباد : پیپلز پارٹی کے بعد مسلم لیگ نواز اور عوامی نیشنل پارٹی نے بھی سینیٹ کے لئے اپنے امیدواروں کے ناموں کا اعلان کر دیا۔

تفصیلات کے مطابق مسلم لیگ ن نے بھی پنجاب اور بلوچستان سے سینیٹ کے لئے اپنے امیدواروں کےناموں کا اعلان کردیا ہے ۔

پنجاب سے سینیٹ کے لئے جن امیدواروں کو ٹکٹ دیئےگئےہیں ان میں راجا ظفر الحق، پرویز رشید، نہال ہا شمی اور مشا ہداللہ خان شامل ہیں۔

اقبال ظفرجھگڑ ا اورراحیلہ مگسی کو اسلام آباد سے ٹکٹ جاری کیے گئے۔ جبکہ عرفان صدیقی،طارق فاطمی، اور سرتاج عزیز نظر انداز کر دیئے گئے۔

بلوچستان سے سردار یعقوب ناصر، امیرافضل خان مندوخیل،میرنعمت اللہ زہری، شہباز خان د رانی، دنیش کمار اور کلثوم پروین کو سینٹ کے ٹکٹ جاری کئے گئے۔

عوامی نیشنل پارٹی خیبر پختونخواہ نے سینیٹ کے لیے حاجی عدیل، افرسیاب خٹک، ستارہ ایاز اور امر جیت ملھوترا کو پارٹی ٹکٹ جاری کردیئے۔

پنجاب اسمبلی میں سینٹ کی ایک نشست کیلئے پیپلز پارٹی، مسلم لیگ ق جماعت اسلامی اور آزاد اراکین نے کنوینسنگ شروع کردی ہے۔

پی پی کے امیدوار برائے سینیٹ ندیم افضل چن کا کہنا ہے کہ جماعت اسلامی سے مشاورتی عمل جاری ہے۔

Print Friendly, PDF & Email

Comments

comments

یہ بھی پڑھیں