The news is by your side.

Advertisement

نوجوان لاپتہ کیس: عدالت نے اے ایس ایف سے جواب طلب کرلیا

لاہور: جہازسے گر کرنویں جماعت کے طالب علم کی ہلاکت کیس میں علی جمشید نامی نوجوان کے لاپتہ ہونے پرلاہور ہائیکورٹ نے اے ایس ایف سے دس فروری کو جواب طلب کر لیا ۔

جسٹس سردار طارق شمیم نے کیس کی سماعت کی ۔ عدالت کے روبرونویں جماعت کے طالب علم جمشیدعلی کی والدہ نے موقف اختیارکیا کہ دوہزار گیارہ میں لاہور میں جہاز کے پہیوں سے گرکر قاسم نامی بچہ جاں بحق ہوا۔

تاہم علی جمشید جو اس کے ساتھ ہی ہوائی جہاز کے پہیے میں سوار ہوا تھا وہ ابھی تک لاپتہ ہے جبکہ اس کا بیگ اے ایس ایف سے برآمد ہوا ۔

سی سی پی او لاہور نے عدالت کو بتایا کہ تحقیقات کے باوجود ابھی تک علی جمشید کا کچھ پتہ نہیں چل سکا ۔ ذکیہ جمشید کے وکیل نے دلائل دیئے کہ تحقیقاتی ٹیم نے اے ایس ایف سے تفتیش نہیں کی ۔

جبکہ علی جمشید کے متعلق اے ایس ایف کو تمام معلومات حاصل ہیں ۔ عدالت نے سماعت دس فروری تک ملتوی کرتے ہوئے ڈائریکٹر جنرل اے ایس ایف سے جواب طلب کر لیا۔

Print Friendly, PDF & Email

Comments

comments

یہ بھی پڑھیں