The news is by your side.

Advertisement

نوجوان کو زندہ جلانے کی کوشش، نہرمیں کود کر جان بچائی

فیصل آباد: موٹرسائیکل سوارنوجوان کو بدترین تشدد کا نشانہ بنانے کے بعد آگ لگانے کی کوشش کی گئی تو زخمی نوجوان نے نہرمیں چھلانگ لگاکرجان بچائی۔

تفصیلات کے مطابق فیصل آباد میں دیرینہ دشمنی پر نوجوان کو بد ترین تشدد کا نشانہ بنا کر آگ لگانے کی کوشش کی گئی، سمندری روڈ پرموٹر سائیکل سوارظفرشہزاد کوچارافراد نےروکا اور ڈنڈوں لاتوں اور گھونسوں سےتشدد کرنا شروع کردیا۔

حملہ آوروں نےظفر پرپٹرول چھڑک کر آگ لگانے کی کوشش تو اس نے خود کو ملزمان کے چنگل سے چھڑاکر قریبی نہر میں چھلانگ لگادی تاہم ملزمان موٹر سائیکل کو آگ لگا کر فرار ہوگئے۔

زخمی نوجوان ظفر کے بھائی نے بتایا کہ بلال نامی ملزم نے گزشتہ رات کو ظفر سے جھگڑا کیا تھا، اور اپنے دوستوں کے ساتھ مل کر ظفر کو قتل کرنے کا پروگرام بنایا۔

ذرائع کے مطابق واقعہ دیرینہ دشمنی کی وجہ سے پیش آیا پولیس نےمعاملے کی تفتیش شروع کردی ہے۔ تاہم آخری اطلاعات تک کوئی گرفتاری عمل میں نہیں آئی تھی۔

Comments

comments

یہ بھی پڑھیں