نوشہرہ: کالج میں بم کی اطلاع ، کالج کلیئر قرار -
The news is by your side.

Advertisement

نوشہرہ: کالج میں بم کی اطلاع ، کالج کلیئر قرار

نوشہرہ: گورنمنٹ گرلز پبلک کالج میں بم کی اطلاع کے بعد بم ڈسپوزل اسکواڈ نے تلاشی کے بعد کالج کو کلیئر قرار دے دیا۔

نوشہرہ کےعلاقے پبی کے گورنمنٹ گرلز کالج میں بم کی اطلاع پر خوف و ہراس پھیل گیا، کالج میں بم کی اطلاع جنگل کی آگ کی طرح پھیل گئی، کالج کو فوری طور پر خالی کرالیا گیا اور طالبعلموں کو چھٹی دیدی گئی۔

اطلاع ملنے پر بم ڈسپوزل اسکواڈ نے پہنچ کر کالج میں سرچ آپریشن شروع کیا، پولیس اور فوج کے دستے بھی کالج پہنچ گئے، بم ڈسپوزل اسکواڈ نے مکمل تلاشی کے بعد کالج کو کلیئر قرار دے دیا گیا۔

اسکول انتظامیہ کا کہنا تھا کہ دو خواتین نے اسکول میں داخلے کی کوشش کی، خواتین کے پاس مشکوک بیگ تھا، جس سے خوف وہراس پھیلا۔

ڈی پی او نوشہرہ کا کہنا تھا کہ کالج کی طالبات کے مطابق دو خواتین یونیفارم میں کالج میں داخل ہوئیں تھیں، جن کی شکایت پر کالج میں سرچ آپریشن کیا گیا، جس کے بعد بی ڈی ایس نے سرچ آپریشن کے بعد کالج کو کلیئر قرار دیدیا۔

Comments

comments

یہ بھی پڑھیں