The news is by your side.

Advertisement

نیب کا یوسف رضا گیلانی اور بابراعوان کیخلاف تحقیقات جلد مکمل کرنے کا فیصلہ

نیب نے این آئی سی ایل کیس میں یوسف رضا گیلانی اور نندی پاور پروجیکٹ کیس میں بابر اعوان کے خلاف تحقیقات جلد مکمل کرنے کا فیصلہ کرلیا، جب کہ چیئرمین نیب کو الزامات ثابت نہ ہونے پرکلین چٹ دے دی گئی۔

قائم مقام چیئرمین نیب سعید احمد سرگانہ کی زیرصدارت اعلی سطح کا اجلاس ہوا، اجلاس میں چیرمین نیب قمر الزمان چوہدری، سابق ڈی جی ایف آئی اے اور ڈائریکٹر ایف آئی اے کے خلاف الزامات ثابت نہ ہونے پر انہیں بری الذمہ قرار دیا گیا۔

نیب ذرائع کے مطابق چیئرمین نیب جلد اپنی ذمہ داریاں سنبھال لیں گے، اجلاس میں اختیارات کا ناجائز استعمال کرنے پر سابق چیرمین پاکستان اسٹیل معین آفتاب شیخ اور ایم ڈی غلام رسول کے خلاف تحقیقات جلد مکمل کرنیکا حکم دیا گیا۔

اس کیس میں تریسٹھ کمپنیوں کو فائدہ دیتے ہوئے قومی خزانے کو ایک ارب تیئس کروڑ روپے کا نقصان پہنچایا گیا تھا، نندی پور اور چیچو کی ملیاں پاور پراجیکٹ میں تاخیری حربوں کے باعث قومی خزانے کو ایک کھرب تیرہ ارب روپے کا نقصان پہنچایا گیا۔

اس پر وزارت خزانہ ،وزارت پانی و بجلی اور وزارت قانون کے افسروں کے خلاف جلد تحقیقات مکمل کرنے کا بھی حکم دیا گیا ہے۔
    
   

Comments

comments

یہ بھی پڑھیں