site
stats
کھیل

نیشنل اسنوکر چیمپیئن شپ ہفتے سے کراچی میں شروع

کراچی : نیشنل اسنوکر چیمپیئن شپ اکتیس جنوری سے کراچی میں شروع ہورہی ہے۔ صوبہ پنجاب کے محمد آصف ٹوبا اعزاز کا دفاع کرینگے۔

کراچی جیمخانہ میں پریس کانفرنس کرتے ہوئے پاکستان بلیئرڈ اینڈ اسنوکر چیمپیئن شپ کے صدر عالمگیر شیخ نے بتایا کہ چاروں صوبوں سمیت دارالحکومت اسلام آباد سے پینتالیس کیوئسٹ حصہ لے رہے ہیں۔

ایونٹ میں نیشنل جونئیر چیمپیئن شپ کے چار بہترین کھلاڑیوں کو بھی شامل کیا گیا ہے۔ فائنل نو فروری کو کھیلا جائیگا۔ انھوں نے کہا کہ فائنلسٹ کھلاڑی ملائیشیا میں ہونے والی ایشیئن اسنوکر چیمپیئن شپ میں ملک کی نمائندگی کرینگے۔

عالمگیر شیخ نے کہا کہ سابق عالمی چیمپیئن محمد آصف کیلئے پاکستان اسپورٹس بورڈ نے پانچ لاکھ روپے جاری کردیئے ہیں۔اسپورٹس پالیسی کے تحت مزید انعامی رقم جلد جاری کردی جائیگی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top