site
stats
کھیل

نیوزی لینڈ نے دوسرے ون ڈے میں بھی پاکستان کو ہرا دیا

نیپئر: نیوزی لینڈ نے پاکستان کو ایک سو انیس رنز سے شکست دیدی، تفصیلات کے مطابق نیپیئر میں پاکستان اور نیوزی لینڈ کے درمیان کھیلے جارہے دوسرے ون ڈے میچ میں نیوزی لینڈ کی ٹیم نے پاکستان کو تین سو انہتّر رنز کا ہدف دیا، جس کے جواب میں قومی ٹیم صرف دوسو پچاس رنز بنا سکی۔

اس طرح نیوزی لینڈ نے پاکستان کو ایک سو انیس رنز سے ہرا دیا،پاکستانی بیٹسمین کیویز بالرز کے سامنے بے بس دکھائی دیئے۔ بیٹنگ لائن ریت کی دیوار ثابت ہوئی، پوری ٹیم اپنی ناقص کارکردگی کے باعث دو سو پچاس کے اسکور پر پویلین سے باہر چلی گئی۔

پاکستان دو میچوں کی سیریز دو صفر سے ہار گیا، کیویز کیخلاف پاکستان کا سیریز برابر کرنے کا خواب چکنا چورہوگیا۔نیوزی لینڈنے سیریز اپنے نام کرلی۔

ورلڈ کپ سے قبل خطرے کی گھنٹی بج گئی۔ نیوزی لینڈ نے دوسرا میچ ایک سو انیس رنز سے جیت کر شاہینوں کی میگا ایونٹ کی تیاریوں کا پول کھول دیا۔

نیوزی لینڈ نے سیریز دو صفر سے جیت لی۔نیوزی لینڈ نے دو میچز کی سیریز میں پاکستان کوآؤٹ کلاس کردیا۔ بولنگ، بیٹنگ اور فیلڈنگ تینوں شعبوں میں پاکستان کی کارکردگی کا کچھا چٹھا کھل کر سب  کے سامنے آگیا۔

نیپئیر میں کھیلے گئے دوسرے ون ڈے میں نیوزی لینڈکی ٹیم رنز کی مشین بن گئی ،ٹاس جیتنے کے بعد کیوی بیٹسمین پاکستانی بولرز پر بری طرح جھپٹے۔ مصباح الحق نے سات بولرز آزمائے۔ ولیمسن اور روز ٹیلر کی سینچری کی بدولت کیویز نے تین سو انہتر رنز کا پہاڑ کھڑاکیا۔

پاکستان کی ناقص بولنگ اور خراب فیلڈنگ کے باعث کیویز نے پاکستان کے خلاف بہترین مجموعہ بنایا۔ جواب میں پاکستانی اوپنرز نے ایک سو گیارہ رنز کا محتاط آغا زتو فراہم کیا۔لیکن پھر تُو چل میں آیا کی پالیسی اختیار کرلی۔

حفیظ چھیاسی رنزبناکر نمایاں رہے۔ احمد شہزاد نے پچپن اور مصباح الحق نے پینتالیس رنزبنائے۔ یونس خان، شاہد آفریدی، حارث سہیل اور سرفراز بھی ٹیم کے کام نہ آسکے۔ کیویز سے سیریز میں شکست نے قومی ٹیم کے ورلڈ کپ کی تیاریوں پر پانی پھیردیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top