The news is by your side.

Advertisement

نیوزی لینڈ نے شارجہ ٹیسٹ جیت لیا، سیریز1-1سے برابر

شارجہ: نیوزی لینڈ نے شارجہ ٹیسٹ میں پاکستان کو ہرا دیا ،سیریز ایک ایک سے برابر،تفصیلات کے مطابق پاکستان اور نیوزی لینڈ کے مابین شارجہ میں کھیلے جارہے کرکٹ ٹیسٹ میچ میں نیوزی لینڈ نے پاکستان کو ایک اننگز اور اسّی رنز سے شکست دیدی۔

پاکستان کی پوری ٹیم 259 پر آؤٹ ہوکر پویلین لوٹ گئی، شارجہ ٹیسٹ میں کیویز نے شاہینوں کو آؤٹ کلاس کر دیا،نیوزی لینڈ کے بولر ٹرینٹ بولڈ نے چار کھلاڑیوں  کو پویلین کی راہ دکھائی۔،

جبکہ پاکستان کی جانب سے اسد شفیق  137رنز اور سرفراز احمد 37 رنز کے ساتھ نمایاں رہے۔ کیویز نے حساب چکتا کردیا۔ شاہینوں سے ابوظہبی ٹیسٹ کا بدلا لے کر نیوزی لینڈ نے سیریز ایک ایک سے برابر کردی۔

ریت کی دیوار ثابت ہونے والی قومی بیٹنگ لائن دوسری اننگز میں دو سو انسٹھ رنز پر ڈھیر ہوگئی۔ تین سو انتالیس رنز کے خسارے میں جانے کے بعد بلے بازوں کے جیسے ہاتھ پاؤں ہی پھول گئے۔

بلے بازوں نے تو چل میں آیا۔ نہ پروفیسر کی پرفیسری چلی اور نہ ہی اظہرعلی کی محتاط بیٹنگ۔ رنز کے انبار لگانے والے یونس خان گولڈن ڈک پر آؤٹ ہوئے۔ ٹاپ آڈر کی ناکامی کو دیکھ کر مصباح نے بھی رنز بنانے کی زحمت نہ کی۔

اسد شفیق ڈت کر مقابلہ کرتے رہے اور کیرئیر کی پانچویں سنچری اسکور کرنے کے بعد ایک سو سینتس رنز پر آؤٹ ہوگئے۔ مارک کریگ نے راحت علی کا کام تمام کرتے ہوئے میچ میں دس وکٹیں حاصل کرنے کے ساتھ نیوزی لینڈ کو ایک اننگز اور اسی سے تاریخی کامیابی دلوائی۔

Print Friendly, PDF & Email

Comments

comments

یہ بھی پڑھیں