نیوزی لینڈ ورلڈکپ کے لیے فیورٹ ہے،عمران خان -
The news is by your side.

Advertisement

نیوزی لینڈ ورلڈکپ کے لیے فیورٹ ہے،عمران خان

اسلام آباد:  ورلڈ کپ دوہزار پندرہ کیلئے سابق کپتان عمران خان نے نیوزی لینڈ کو فیورٹ قرار دے دیا، آسٹریلیا کو ہرانے کیلئے عمران خان نے بھارت کو مفید مشورے بھی دے ڈالے۔

سابق کپتان عمران خان نے پیشگوئی کردی، ورلڈ کپ نیوزی لینڈ جیتے گا، سماجی روابط کی ویب سائٹ پر عمران خان نے کہا کہ نیوزی لینڈ نے سیمی فائنل میں اعصاب کی جنگ جیتی، ہدف کے تعاقب میں نیوزی لینڈ نے پریشر کے باوجود بہترین کھیل پیش کیا۔

 

انھوں نے کہا کہ پہلی بار ایسا عالمی کپ ہوا، جس میں چاروں بہترین ٹیموں نے سیمی فائنل مرحلے میں رسائی حاصل کی۔

عمران خان نے بھارت اور آسٹریلیا کے درمیان میچ بھی سنسنی خیز ہونے کی پیش گوئی کردی اور کہا کہ سڈنی کی وکٹ اسپنرز کیلئے سازگار ہے، بھارت کے پاس سابق ورلڈ چیمپیئن کو ہرانے کا بہترین موقع ہے۔

عمران خان نے بھارت کو مشورہ دیا کہ بھارت پہلے بیٹنگ کرے اور ڈھائی سو رنز بناکر اسپنر کے ذریعے آسٹریلیا کے گرد گھیرا تنگ کرے۔

 

Comments

comments

یہ بھی پڑھیں