site
stats
عالمی خبریں

نیو یارک: وہیل چیئر پر بینک ڈکیتی کرنے والا ملزم گرفتار

نیو یارک: پولیس نے ایک معذور شخص کو بینک ڈکیتی کے الزام میں گرفتار کرلیا۔

تفصیلات کے مطابق مورخہ 29 جون کو کیلون ڈینسن نامی 23 سالہ ڈاکو نے وہیل چیئر پر نیو یارک کے سینٹنڈر بینک میں آکر اسلحے کے زورپر لوٹ مار کی اور باآسانی فرار ہوگیا تھا۔

بینک کے ملازم نے بتایا کہ اس نے قریب آکر کہا کہ تمہارے پاس جو رقم ہے میرے حوالے کردو، تو میرے پاس ایک ہزار دوسو بارہ ڈالر تھے جو میں نے اس کے حوالے کردیئے، ڈاکو مذکورہ رقم لے کر انتہائی پھرتی کے ساتھ وہیل چیئر پر بینک سے باہر نکل گیا۔

علاوہ ازیں واردات کے دو دن بعد ملزم کیلون ڈینسن نیو یارک کے ایک اسپتال آیا تو وہاں موجود کچھ لوگوں نے اسے پہچان لیا اور فوری طور پر پولیس کو مطلع کردیا، جس پر پولیس نے ملزم کو حراست میں لے لیا۔

ملزم نے اپنے جرم اعتراف کرتے ہوئے بتایا کہ اس کو گولی لگی تھی جس کی وجہ سے وہ وہیل چیئر کا استعمال کرتا ہے۔ پولیس نے ملزم کیخلاف فرد جرم عائد کردی ہے اور 15 ہزار ڈالر کی زر ضمانت پراسے اپنی تحویل میں لے لیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top