نیکٹا کی ہیلپ لائن 1717 فعال کر دی گئی -
The news is by your side.

Advertisement

نیکٹا کی ہیلپ لائن 1717 فعال کر دی گئی

اسلام آباد: نیکٹا کی جانب سے دہشت گردی سے نمٹنے کیلئے بنائی گئی ہیلپ لائن ون سیون ون سیون فعال کر دی گئی ہے، کراچی میں بھی رینجرز کی جانب سے ایس ایم ایس ہیلپ لائن قائم کر دی گئی ہے۔

سانحہء پشاور کے بعد پارلیمانی رہنماؤں کے اجلاس میں فعال کیے گئے ادارے نیکٹا نے دہشت گردی سے نمٹنے کیلئے ون سیون ون سیون ہیلپ لائن فعال کر دی ہے، اس ہیلپ لائن پر کسی بھی دہشتگردی سے متعلق معلومات دی جاسکتی ہیں اور معلومات دینے والے کی شناخت کو صیغہ راز رکھا جائے گا۔

نیکٹا تمام معلومات قانون نافذ کرنیوالے اداروں کو بھیجوائے گا۔

دوسری جانب کراچی میں بھی دہشت گردی کے خلاف رینجرز نے اقدامات مزید بہتر کرنے شروع کر دیئے ہیں، رینجرز نے شہریوں کے لئے ون ون زیرو ون ہیلپ لائن قائم کردی۔

ہیلپ لائن پر شہری بھتہ خوری، اغواء برائے تاوان اور مشکوک سرگرمیوں کی اطلاع دے سکتے ہیں، اطلاع دینے والے کا نام اور نمبر راز میں رکھا جائے گا۔

Comments

comments

یہ بھی پڑھیں