site
stats
پاکستان

واشنگٹن : طارق فاطمی کی امریکی نائب وزیرخارجہ سےملاقات

واشنگٹن: امریکی نائب وزیرِ خارجہ ٹونی بلنکن نے افغان حکومت اور طالبان کے درمیان جاری مذاکرات میں پاکستان کے مصالحتی کردار کی تعریف کرتے ہوئے ان مذاکرات کو خطے کے امن کیلئے ناگزیر قرار دیا ہے۔

واشنگٹن میں وزیرِاعظم نواز شریف کے خصوصی مشیر سید طارق فاطمی سے ہونے والی ملاقات میں پاک امریکہ تعلقات اور خطے کے صورتحال پر تفصیلی تبادلہ خیال کیا گیا۔ سفارتی ذرائع کے مطابق امریکی نائب وزیر خارجہ نے پاکستان اور بھارت کے درمیان جاری کشیدگی پر خدشات کا اظہار کرتے ہوئے تمام معاملات کو بات چیت کے ذریعے حل کرنے پر زور دیا۔

ٹونی بلنکن نے کہا کہ امریکہ پاکستان اور بھارت کے درمیان مذاکرات کا عمل فوری طور پر بحال ہوتے دیکھنا چاہتا ہے، ملاقات کے دوران طارق فاطمی نے تاریخی ایران معاہدے پر امریکہ کو مبارکباد دیتے ہوئے اس معاہدے کو مغربی ممالک کی ایک بڑی کامیابی قرار دیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top