واٹس ایپ کا ویب ورژن متعارف ہونے کی توقع -
The news is by your side.

Advertisement

واٹس ایپ کا ویب ورژن متعارف ہونے کی توقع

نیویارک : میسجنگ سروس واٹس ایپ نوجوانوں میں انتہائی مقبول ہے، واٹس ایپ نے انٹرنیٹ میں قدم رکھنے کا فیصلہ کرلیا ہے۔

واٹس ایپ نے ابھی اپنی مقبول ترین میسجنگ اپلیکشن کے ویب ورژن کا اعلان نہیں کیا لیکن کمپیوٹر ماہرین نے دریافت کیا ہے کہ حالیہ اپ ڈیٹس میں ایک کوڈ چھپا ہوا ہے، جس میں ” واٹس ایپ ویب” کا ذکر موجود ہے۔

اس کوڈ میں یہ ذکر بھی کیا گیا ہے کہ ویب کے ساتھ ساتھ کس طرح واٹس ایپ کے ویب ورژن میں لاگ ان ہوا جاسکتا ہے۔

یہ اطلاعات اس وقت سامنے آئی جب واٹس ایپ کی حریف میسجنگ اپلیکشن ٹیلیگرام کے بانی پیرول ڈورو نے یہ بیان جاری کیا کہ انہیں لگتا ہے کہ واٹس ایپ نے اپنے ویب ورژن میں کام شروع کردیا ہے۔

یاد رہے کہ چھ سو ملین سے زائد صارفین کے ساتھ واٹس ایپ سب سے بڑی میسجنگ سروس ہے، اس وقت اسے صرف موبائل فونز پر ہی استعمال کیا جاسکتا ہے۔

ماہرین کا کہنا ہے کہ اس بات کا ٹھوس ثبوت تو نہیں مگر اس سے یہ ثابت ہوتا ہے کہ واٹس ایپ کی ٹیم ویب میں فعال ہونے کے لیے کچھ کام ضرور کررہے ہیں۔

Comments

comments

یہ بھی پڑھیں