The news is by your side.

Advertisement

واٹس ایپ کے استعمال پرسعودی خاتون کو طلاق

ریاض: سعودی عرب میں ایک شخص نے بیوی کو صرف اس بات پر طلاق کا پروانہ تھما دیا کہ اس نے واٹس ایپ پر اس کا پیغام پڑھنے کے باوجود اسے نظرانداز کردیا۔

میڈیا رپورٹ کے مطابق 30 سالہ سعودی شہری کی بیوی ہر وقت موبائل پر دوستوں کے ساتھ بات چیت اور چیٹنگ میں اتنی مصروف رہتی تھی کہ اسے شوہر کے واٹ ایپس پربھیجے گئے پیغام پڑھنے یاد ہی نہیں رہتے یا اگر پڑھ بھی لیتی تواس کا جواب نہیں دیتی۔

نوجوان کا کہنا تھا کہ بیوی کے ہر وقت موبائل فون پر مصروف رہنے کی وجہ سے نہ صرف اس کا گھر بلکہ بچے بھی متاثر ہورہے تھے اورجب میں نے واٹس ایپ پر اسے پیغام دینے کے بعد گھر آکر پوچھا کہ میرے میسج کا جواب کیوں نہیں دیا تواس نے کہا کہ وہ اپنے دوستوں کے ساتھ چیٹنگ میں مصروف تھی، بس پھر کیا تھا اس کی یہ بات سنتے ہی آگ بگولہ ہوگیا اور وہ خود پر قابو نہ رکھتے ہوئے بیوی کو طلاق دے ڈالی۔

طلاق دینے کے بعد شوہر کا کہنا تھا کہ اس نے کئی بار بیوی کو سمھجایا کہ وہ گھر پر بھی توجہ دے لیکن اس کی بات کو ہر بار نظرانداز کر کے وہ اپنے دوستوں اورخاندان کے افراد سے باتیں کرنے کی روش پر قائم رہی۔

Print Friendly, PDF & Email

Comments

comments

یہ بھی پڑھیں