site
stats
کھیل

ورلڈ کپ: نیوزی لینڈ کیخلاف انگلینڈ کی بیٹنگ لڑکھڑا گئی, 123زنز کا ہدف

ویلنگٹن: ورلڈ کپ کرکٹ کے نویں میچ میں میزبان نیوزی لینڈ اور انگلینڈ کی ٹیمیں آمنے سامنے ہیں، انگلینڈ نے نیوزی لینڈ کے خلاف ٹاس جیت کر پہلے بیٹنگ کرنے کا فیصلہ کیا۔

نیوزی لینڈ کے شہر ویلنگٹن کے ویسٹ پیک اسٹیڈیم میں جاری میچ میں نیوزی لینڈ کیخلاف انگلینڈ کی بیٹنگ لڑکھڑاگئی، انگلینڈ کی ٹیم  123 رنز بنا کر ڈھیر ہوگئی، انگلینڈ نے نیوزی لینڈ کو 124رنز کا ہدف دیا۔

انگلینڈ کے اوپنر اپنی ٹیم کو اچھا آغاز فراہم نہ کر سکے پانچویں اوور میں این بیل 8 کے انفرادی اسکور پر ٹم ساؤتھی کی گیند پر بولڈ ہوگئے جب کہ 36 کے مجموعے پر ٹم ساؤتھی نے معین علی کی وکٹیں بھی لے لی۔

گیرے بیلنس 10 جب کہ کپتان ایون مورگن 17 رنز بنا کر پویلین لوٹ گئے۔

آسٹریلیا کے خلاف 98 رنز کی اننگ کھیلنے والے جیمز ٹیلر اپنا کھاتا کھولے بغیر ہی پویلین لوٹ گئے جب کہ جوز بٹلر3 اور کرس ووکس ایک رنز پر آؤٹ ہوگئے، نیوزی لینڈ کی جانب سے ٹم ساؤتھی 6 جب کہ ٹرینٹ بولٹ اور ڈینئل ویٹوری ایک ایک وکٹ حاصل کی۔

خیال رہے کہ ورلڈکپ میں کیویز ٹیم  سری لنکا اور اسکاٹ لینڈ کے خلاف اپنے دونوں میچز جیتے چکی ہیں اور پول اے میں چار پوائنٹس کے ساتھ پہلے نمبر پر ہے۔

انگلینڈ کا یہ دوسرا میچ ہے، اس سے قبل آسٹریلیا کے خلاف افتتاحی میچ میں انگلش ٹیم کو 111 رنز سے شکست کا سامنا کرنا پڑا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top