site
stats
کھیل

ورلڈ کپ: سری لنکا نیوزی لینڈ کے 332رنز کے تعاقب میں

کرائس چرچ: ورلڈ کپ کے پہلے میچ میں نیوزی لینڈ نے سری لنکا کے خلاف جارحانہ بیٹنگ کرتے ہوئے تین سو بتیس رنز کا ہدف دے دیا۔

کرکٹ ورلڈ کپ کے پہلے مقابلے میں سری لنکا نے ٹاس جیت کر نیوزی لینڈ کو پہلے بیٹنگ کی دعوت دی، کیوی ٹیم نے پہلے بیٹنگ کرتے ہوئے پچاس اوورز میں چھ وکٹوں کے نقصان پر تین سو اکتیس رنز بنائے۔

برینڈن مک مکلم، کین ولیمسن اور کورے اینڈرسن نے اپنی ٹیم کی طرف نصف سنچریاں اسکور کیں۔ برینڈن میک کولم اور مارٹن گپٹل نے اپنی ٹیم کو ایک سو گیارہ رنز کا شاندار آغاز فراہم کیا۔ میک کولم پینسٹھ کے انفرادی اسکور پر رنگنا ہیراتھ کو چھکا مارنے کی کوشش میں باؤنڈری پر کیچ آؤٹ ہو گئے۔

نیوزی لینڈ کی دوسری ایک سو چھتیس رنز پر گری، جب مارٹن گپٹل انچاس رنز بناکر لکمل کی گیند پر آؤٹ ہوئے، ایک سو ترانوے رنز پر کین ولیمسن ستاون رنز بنا کر جیون مینڈس کا شکار بنے۔

اگلی ہی گینڈ پر روس ٹیلر بھی جیون مینڈس کی گھومتی گیند کو نہ سمجھ سکے اوراسٹمپڈ ہو گئے، گرانٹ ایلیٹ دو سو اٹھاون کے مجموعی اسکور پرانتیس رنزبنا کر لکمل کی گیند پر کیچ آؤٹ ہوئے۔

نیوزی لینڈ کی چھٹی وکٹ آخری بال پر گری، جب کورے اینڈرسن زور دار شاٹ مارتے ہوئے کیچ ہوئے، سری لنکا کی طرف سے جیون مینڈس اور لکمل نے دو دو جبکہ ہیراتھ اورکلاسیکرانے ایک ایک وکٹ اپنے نام کی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top