ورلڈ کپ سے پہلے مصباح الحق کو قیادت سے ہٹانا غلط ہوگا، اقبال قاسم -
The news is by your side.

Advertisement

ورلڈ کپ سے پہلے مصباح الحق کو قیادت سے ہٹانا غلط ہوگا، اقبال قاسم

لاہور: پاکستان ٹیم کے سابق چیف سلیکٹر اقبال قاسم کا کہنا ہے کہ ورلڈ کپ دوہزار پندرہ سے پہلے کپتان کی تبدیلی کا جواز نہیں بنتا ہے، میگا ایونٹ سے پہلے کھلاڑیوں کو کرائسز مینجمنٹ کے شعبے پر کام کرنا ہوگا۔

کراچی میں میڈیا سے گفتگو کرتے ہوئے سابق چیف سلیکٹر اقبال قاسم نے کہا کہ مصباح الحق کو دورہ سری لنکا میں ناکامی کی وجہ سے قیادت سے ہٹانا صحیح نہیں ہوگا، انہوں نے کہا کہ کھلاڑی اب ٹیم کو مشکل صورتحال سے نکالنے کیلئے کرائسز مینجمنٹ کے شعبے پر توجہ دیں۔

سعید اجمل کے حوالے سے اقبال قاسم کا کہنا تھا کہ بولنگ ایکشن رپورٹ آنے تک کچھ نہیں کہا جاسکتا،آئی سی سی کلیئر بھی کرسکتا ہے،اقبال قاسم کے مطابق اگر آئی سی سی نے سعید اجمل کے بولنگ ایکشن کو متنازعہ قرار دے دیا تو پاکستان کرکٹ بورڈ کرکٹر کا ضرور ساتھ دیگا۔

Comments

comments

یہ بھی پڑھیں