The news is by your side.

Advertisement

ورلڈ کپ :پاک یو اے ای مقابلہ بدھ کو نیپیئر میں ہوگا

نیپیئر : کرکٹ کے عالمی کپ کے ایونٹ میں  پاکستانی ٹیم کا میچ متحدہ عرب امارت سے چار مارچ بروز بدھ کو نیپیئر میں کھیلا جائےگا۔

زمبابوے کو سنسنی خیز مقابلے کے بعد شکست دیکر پاکستان نے پوائنٹس ٹیبل میں اپنا کھاتہ کھول لیا ہے۔ اب ایک اور کمزور حریف یو اے ای سے گرین شرٹس چار مارچ کو صف آرا ہوگی۔

پاکستان نے زمبابوے کو کانٹے دار مقابلے کے بعد شکست دیکر ورلڈ کپ میں پہلی کامیابی تو حاصل کی جو کوارٹر فائنل تک رسائی کیلئے ناکافی ہے۔

بیٹسمینوں نے ایک مرتبہ پھرغیر ذمہ داری کا مظاہرہ کیا اور زمبابوے کی کمزور بولنگ کے سامنے ناکام رہے۔ کپتان مصباح الحق بھی خود اعتراف کرتے ہیں کہ بیٹسمین ابھی تک غلطیاں کررہے ہیں۔

اگلے مقابلے میں پاکستان کرکٹ ٹیم کا مقابلہ متحدہ عرب امارت سے چار مارچ کو نیپیئر میں ہوگا،یہ میچ پاکستان باآسانی جیت سکتا ہے ۔

لیکن ایونٹ میں یواے ای کی پرفارمنس حریف ٹیموں کے خلاف اچھی جارہی ہے جس کو نظر انداز کرنا گرین شرٹس کیلئے بہت بڑی بھول ہوگی۔

یہ بات بھی قابل ذکر ہے کہ ورلڈ کپ کے میچ میں بھارت نے یو اے ای کو نو وکٹوں سے با آسانی شکست دی تھی۔اور یو اے ای نے بھارت کو صرف ایک سو تین رنز کا ہدف دیا تھا۔

جو بھارتی سورماؤں نے صرف ایک وکٹ کے نقصان پر 18.5 اوور میں پورا کرلیا۔

Print Friendly, PDF & Email

Comments

comments

یہ بھی پڑھیں