The news is by your side.

Advertisement

ورلڈ کپ کے بعد سینٹرل کنٹریکٹ پربات ہوگی، نجم سیٹھی

کراچی : پاکستان کرکٹ بورڈکی ایگزیکٹیو کمیٹی کے چئیرمین نجم سیٹھی کا کہناہے کہ سینٹرل کانٹریکٹ کا معاملہ کوئی سنجیدہ ایشو نہیں ہے۔ اس معاملے کو جلد حل کرلیں گے۔

نیشنل اسٹیڈیم کراچی میں میڈیا سے گفتگو کرتے ہوئے نجم سیٹھی نے کہا کہ قومی ٹیم کی حالیہ خراب کارکردگی کا سینٹرل کنٹریکٹ کے معاملے سے کوئی تعلق نہیں۔

ورلڈ کپ ختم ہونے کے بعد سینٹرل کنٹریکٹ پر بات کریں گے۔ انہوں نے کہا کہ ٹیم سلیکٹ کرنا سلیکٹرز کا کام ہے وہ جو کھلاڑی منتخب کریں مان لینا چاہیئے۔

آئین کے مطابق چئیرمین ٹیم کی حتمی منظوری دیتا ہے ۔نجم سیٹھی نے کہا کہ پاک بھارت سیریز بحال ہوجائے تو قومی کھلاڑیوں کے لئے آئی پی ایل کے دروازے کھل سکتے ہیں۔

پاکستان سپر لیگ آئندہ سال جنوری فروری میں دبئی میں ہوگی۔کوشش تھی پی ایس ایل پاکستان میں کرائیں لیکن سیکورٹی کے سبب کھلاڑی آنے کو تیار نہیں۔

Print Friendly, PDF & Email

Comments

comments

یہ بھی پڑھیں