The news is by your side.

Advertisement

ورلڈ کپ 2015 کی کوارٹرفائنل لائن اپ مکمل

آسٹریلیا: ورلڈ کپ دوہزار پندرہ کی کوارٹرفائنل لائن اپ مکمل ہوگئی، دو روز آرام کے بعد کوارٹرفائنل میچ کا آغاز اٹھارہ مارچ سے ہوگا۔

پول اے میں نیوزی لینڈ ، آسٹریلیا، سری لنکا اور بنگال ٹائیگر کواٹرفائنل میں پہنچے جبکہ پول بی یعنی گروپ آف ڈیتھ سے دفاعی چیمپیئن بھارت، جنوبی افریقہ ، پاکستان اور ویسٹ انڈیز نے رن ریٹ کی بنیاد پر کوالیفائی کیا۔

عالمی کپ میں دو روز آرام کے بعد اٹھارہ مارچ سے ناک آؤٹ مرحلے کا آغاز ہوگا، پہلا کوارٹرفائنل جنوبی افریقہ اور سری لنکا کے درمیان بدھ کو سڈنی میں ہوگا، جنوبی افریقہ ورلڈ کپ کی تاریخ میں کبھی بھی ناک آؤٹ میچ جیتنے میں کامیاب نہیں ہوئی ہے۔

دوسرے ناک آؤٹ میچ میں ناقابل شکست بھارتی سورما، بنگال ٹائیگر سے انیس مارچ کو میلبرن میں مدِمقبل ہونگے ۔

تیسرے کوارٹرفائنل میں پاکستانی شاہین مشترکہ میزبان آسٹریلیا کیخلاف ایڈیلیڈ میں ٹکرائیں گے، چوتھا اور آخری کوارٹرفائنل پول اے میں ٹاپ کرنے والی نیوزی لینڈ اور ویسٹ انڈیز کے درمیان اکیس مارچ کو ویلنگٹن میں ہوگا۔

Print Friendly, PDF & Email

Comments

comments

یہ بھی پڑھیں