site
stats
اہم ترین

وزارتِ داخلہ کی صولت مرزا کی پھانسی رکوانے کے لیے سمری تیار

اسلام آباد: سزائے موت سے قبل حیرت انگیز انکشافات کرنے والے صولت مرزا کی سزا ایک ماہ کیلئے موخر کر دی گئی، سزا سے متعلق وزارت داخلہ نے سمری تیار کرلی ہے، جو وزیرِاعظم کے ذریعے صدر ممنون کو بھجوائی جائے گی، ذرائع کے کہنا ہے کہ جوائنٹ انوسٹیگیشن ٹیم کو مزید وقت درکار ہے۔

تہرے قتل کے مجرم صولت مرزا نے سولہ برس جیل کی کال کوٹھری میں گزارنے کے بعد سزا سے چند ہی گھنٹے قبل چشم کشا انکشافات کر کے سب کو حیران کردیا۔

صولت مرزا کے بیان کی تحقیقات کیلئے فوری طور پر سزا باہتر گھنٹے کیلئے ملتوی کی گئی، جوائنٹ انویسٹیگیشن ٹیم بنی، ٹیم نے تحقیقات کیلئے ٹائم مانگا تو صولت مرزا کی پھانسی ایک ماہ کیلئے موخر کردی گئی۔

پھانسی میں ایک ماہ کی تاخیر کی خبر سب سے پہلے اے آر وائی نیوز نے نشر کی۔

ایم ڈی کے ای ایس سی کے قاتل صولت مرزا کی جانب سے سرکاری حکام کو معلومات دینےسے متعلق بیان کے بعد مجرم کا بیان ریکارڈ کرنے کیلئے کمیٹی تشکیل دے دی گئی ہیں۔

ذرائع کے مطابق کمیٹی میں وفاقی اور صوبائی سطح کے افسران شامل ہیں ، گزشتہ شب صولت مرزا نے ایک بیان میں ایم کیوا یم کے قائد الطاف حسین ، گورنر سندھ عشرت العباد خان اور دیگر سینئر رہنماؤں پر سنگین الزامات عائد کئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top