The news is by your side.

Advertisement

وزارت سے پہلے پرویز رشید کن کے جہاز میں گھومتے تھے، جہانگیر ترین

ملتان: جہانگیر خان ترین نے وزیر اطلاعات پرویز رشید کے لگائے گئے الزامات کو مسترد کرتے ہوئے شریف برادران کے جہازوں کے اخراجات مانگ لیے۔

ملتان میں پریس کانفرنس کرتے ہوئے تحریک انصاف کے مرکزی رھنما جہانگیر خان ترین کا کہنا تھا کہ وزیر اطلاعات نے میرے طیارے کے حوالے سے جو الزمات لگائے ہیں وہ بے بیناد ہیں میں کمپنی کا اقلیتی شیئر ہولڈر نہیں ہوں اپنے طیارے کے حوالے سے انہوں‌نے اڈٹ رپورٹ بھی میڈیا کو جاری کردی جس کے مطابق طیارے کے ستر فیصد اخرجات وہ خود جبکہ تیس فیصد ان کی کمپنی نے ادا کیے ہیں۔

جہانگیر خان ترین نے پرویزرشید اور شریف برادران کو اڑے ہاتھوں لیتے ہوئے ان سے یہ مطالبہ بھی کردیا کہ شریف برادران حکومت میں ہوں یا نہ ہوں ان کے طیاروں کے اخرجات کون اور کیسے برداشت کرتا ہے؟ انہوں نے مزید کہا کہ میں دعوی سے کہتا ہوں کہ شریف برادران ایک پیسہ بھی خود نہیں اداکرتے ہوں گے،مزید ان کا کہنا تھا کہ جوجھوٹے الزامات مجھ پر لگائے گئے ہیں۔

 اس پر میں پرویز رشید کو قانونی نوٹس بھیجوں گا کہ وہ مجھ سے معافی مانگیں کیونکہ انہوں نے میری اور کمپنی کا نام خراب کیا ہے معافی نہ مانگی گئی تو ان پر ہرجانے کا دعوی کروں گا، انہوں نے کہا کہ حکومت 30 نومبر سے خوفزدہ ہےاور بوکھلا کر ایسے اوچھے ہتھکنڈوں پر اتر آئی ہے۔

Print Friendly, PDF & Email

Comments

comments

یہ بھی پڑھیں