site
stats
بزنس

وزارت قومی صحت کا حکومت سے سگریٹ پرنیا ٹیکس عائد کرنے کی سفارش

اسلام آباد: حکومت نے سگریٹ مزید مہنگا کرنے کے لئے تمام تیاریاں مکمل کر لیں،سگریٹ مہنگا کرنے کیلئے نیا ٹیکس عائد کیا جائے گا، وزارت قومی صحت نے ٹیکس عائد کرنے کی سفارش کر دی۔

وزارت قومی صحت کے زرائع کے مطابق حکومت نے ملک میں سگریٹ نوشی کے تیزی سے بڑھتے ہوئے رجحان پرقابو پانے کیلئے سگریٹ پر نیا ٹیکس عائد کرنے کا فیصلہ کیا ہے، نیا ٹیکس ٹوبیکو ہیزرڈ ٹیکس کے نام سے عائد کیا جائے گا جو آئندہ بجٹ سے نافذ العمل ہو گا۔

 ذرائع کے مطابق وزارت قومی صحت نے حکومت سے نیا ٹیکس عائد کرنے کی سفارش کی ہے، اپنی سفارش میں وزارت میں قومی صحت نے فی پیکٹ سگریٹ پر ستر روپے بڑھانے کی سفارش کی تھی تاہم طویل مشاورت کے بعد نئے ٹیکس کی شرح 10سے 15روپے فی سگریٹ پیکٹ رکھنے پر اتفاق کیا گیا ہے۔

ذرائع کے مطابق ٹوبیکو ہیزرڈ ٹیکس کے زریعے حکومت کو 45ارب روپے سے زائد اضافی آمدن کا امکان ہے جبکہ ٹیکس سے حاصل ہونے والی آمدن وزیر اعظم ہیلتھ انشورنش سکیم میں استعمال کئے جانے کا فیصلہ کیا گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top