The news is by your side.

Advertisement

وزیرِاعظم نااہلی کیس، وزیرِاعظم کی اسمبلی تقریر کا متن طلب

اسلام آباد: وزیرِاعظم نواز شریف کی نااہلی کیلئے دائر درخواستوں کی سماعت ہوئی، سپریم کورٹ نے وزیر اعظم نااہلی کیس میں وزیر اعظم کی اسمبلی تقریر کا متن طلب کرلیا، جسٹس دوست محمد نے درخواست گزاروں کے وکلاء سے کہا کہ آپ ایک کا شکار کرنے آئے ہیں لیکن ہزاروں پھنس سکتے ہیں۔

وزیراعظم نااہلی کیس میں سپریم کورٹ نے ریمارکس  دیئے کہ پارلیمنٹ کے اندر اور باہر ہر جگہ جھوٹ بولا جارہا ہے، عوام سے وعدے ہوتے لیکن کوئی عمل درآمد نہیں ہوتا، صادق اور امین نہ ہونے کے لیے یہی ثبوت کافی ہے، آپ ایک کا شکار کرنے آئے ہیں، جس میں ہزاروں پھنس سکتے ہے۔

سماعت شروع ہوئی تو درخواست گزار کے وکیل گوہر نواز نے دلائل میں کہا کہ وزیراعظم نے اسمبلی فلور پر جو بیان دیا وہ حقائق کے منافی تھا، جس پر جسٹس جواد نے کہا کہ وزیرِاعظم صادق اور امین ہیں یا نہیں یہ آپ کو ثابت کرنا ہوگا، آپ کا بیان حلفی قانونی تقاضے پورے نہیں کرتا۔

جسٹس جواد نے کہا کہ وزیرِاعظم اور آرمی چیف کی ملاقات میں کوئی تیسرا نہیں تھا، کیسے پتہ چلے گا کہ کیا بات ہوئی، یا تو آرمی چیف کسی کونامزد کریں کہ وہ آکر بیان دے۔

انھوں نے کہا کہ فیصلےکےلئے ٹھوس ثبوت درکار ہوں گے اور حقائق جاننا صرف ہماری خواہش نہیں عوام کا بھی حق ہے،بعد میں عدالت نے مقدمے کی مزید سماعت پیر تک ملتوی کردی۔

 

Print Friendly, PDF & Email

Comments

comments

یہ بھی پڑھیں