پشاور: وزیراعظم نواز شریف کہتے ہیں کہ شمالی وزیرستان کے جنگ زدہ علاقوں سےدہشتگردی کاخاتمہ کردیا، امن قائم کرنےپرفوج شاباش کی مستحق ہے۔
وزیر اعظم نوازشریف اورپاک فوج کے سپہ سالارجنرل راحیل شریف نے آج بروز جمعہ شمالی وزیرستان کی تحصیل میرعلی کا دورہ کیا۔
فوجی حکام نےوزیراعظم اور آرمی چیف کودہشت گردوں سےکلیئرکرائےگئے علاقوں سے متعلق بریفنگ دی۔
وزیراعظم نوازشریف اورجنرل راحیل شریف نے دورےکے دوران قبائلی عمائدین سے بھی ملاقات کی۔
اس موقع پرخطاب کرتے ہوئے وزیر اعظم نواز شریف نے کہاکہ متاثرہ علاقوں سےدہشت گردی کاخاتمہ کردیا،امن قائم کرنے پرپاک فوج شاباش کی مستحق ہے۔
انہوں نے یہ بھی کہا کہ شمالی وزیرستان کے رہائشیوں نے بہت عظیم قربانیاں دیں ہیں۔ جن کے گھر والے اس جنگ کا شکار ہوئے حکومت ان کے دکھ کا ازالہ تو نہیں کرسکتی لیکن ان کے آنسو ضرور پونچھ سکتی ہے۔
ان کا کہنا تھا کہ آئی ڈی پیز کی فلاح و بہبود میں پاک آرمی کا کردار لائقِ تحسین ہے۔
نواز شریف کا کہنا تھا کہ شمالی وزیرستان میں ترقی کے ایک نئے دورکا آغاز ہوگا۔
وزیر اعظم نے نقل مکانی کرنے والوں میں تحائف تقسیم کئے۔
وزیر اعظم نے پشاور میں بارش سے متاثرہ افراد میں امدادی رقوم کے چیک بھی تقسیم کئے۔