site
stats
اہم ترین

وزیراعظم اور آرمی چیف کی ملاقات،مسئلہ جلد از جلد حل کرنے پر زور

اسلام آباد:  وزیراعظم ہاؤس میں وزیراعظم اور آرمی چیف کے درمیان ملاقات ختم ہوگئی، ملاقات میں ملکی تازہ ترین صورتحال پرتبادلہ خیال کیا گیا، ملاقات میں گزشتہ روز ہونے والی کور کمانڈرز کانفرنس میں ہونے والے فیصلوں سے متعلق بھی وزیراعظم کو آگاہ کیا گیا۔

ملاقات میں سیاسی کشیدگی کو حل کرنے کے حوالے سے لائحہ عمل پر بھی بات کی گئی جبکہ آرمی چیف اور وزیراعظم نے مسئلے کے جلد از جلد حل کرنے  پر اتفاق کیا۔

وزیراعظم نواز شریف اور آرمی چیف کی ملاقات کے بعد یہ خبریں گردش کرنے لگیں کہ جنرل راحیل شریف نے وزیراعظم نواز شریف کو استعفیٰ دینے کا مشورہ دیا ہے تاہم حکومتی ترجمان نے میڈیا پر چلنے والی اس قسم کی تمام خبروں کو من گھڑت اور بے بنیاد قرار دیا ہے۔

واضح رہے کہ موجودہ سیاسی صورت حال میں وزیراعظم نواز شریف اور آرمی چیف جنرل راحیل شریف کے درمیان گزشتہ ایک ہفتے میں تیسری ملاقات کر رہے ہیں۔

یاد رہے کہ گزشتہ روز ہونے والی کور کمانڈرز کانفرنس میں فوج نے واضح کیا تھا کہ  وہ جمہوریت کے ساتھ ہیں اور موجودہ بحران کا حل  جلد سے جلد مذاکرات کےزریعے نکالا جائے، کانفرنس میں مظاہرین پر طاقت کا استعمال نہ کرنے کی بھی ہدایت کی گئی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top