وزیراعظم سے آرمی چیف کی ملاقات متوقع -
The news is by your side.

Advertisement

وزیراعظم سے آرمی چیف کی ملاقات متوقع

اسلام آباد: وزیراعظم سے آرمی چیف جنرل راحیل شریف  کی ملاقات آج متوقع ہے۔

ذرائع کے مطابق اس ملاقات میں آرمی چیف وزیراعظم کو گزشتہ رات ہونے والی کور کمانڈرز کانفرنس میں ہونے والے فیصلوں سے آگاہ کریں گے، عسکری قیادت نے موجودہ حالات پر شدید تشویش کا اظہار کیا ہے، انکا کہنا ہے کہ طاقت کا استعمال حالات بگاڑ دے گا، وقت ضائع کیے بغیر معاملہ سیاسی طور پر حل کیا جائے۔

گذشتہ روز پاک فوج کے سربراہ جنرل راحیل شریف کی سربراہی میں کور کمانڈرز کانفرنس میں جمہوریت کیلئے مکمل حمایت کے عزم کا اعادہ کرتے ہوئے حکومت پر زور دیا ہے کہ موجودہ سیاسی بحران کے حل کیلئے مزید طاقت کا استعمال نہ کیا جائے اور وقت ضائع کئے بغیر اس مسئلے کو سیاسی طور پر حل کیا جائے۔

جنرل ہیڈ کوارٹرز راولپنڈی میں منعقد ہونے والے غیر معمولی کور کمانڈرز اجلاس میں موجودہ سیاسی بحران پر شدید تشویش کا اظہار کیا گیا ، جس میں صورتحال پرتشدد ہونے کے بعد کئی قیمتی جانوں کے نقصان کا باعث بنی اور اس میں کئی لوگ زخمی ہوئے ۔

کانفرنس میں زور دیا گیا کہ اس صورتحال میں طاقت کا مزید استعمال صورتحال کو مزید سنگین کردے گا ، اس لئے ضرورت اس امر کی ہے کہ مزید وقت ضائع کئے، بغیر بحران کے حل کئے سیاسی راہ اپنائی جائے ، کانفرنس میں اس عزم کا اعادہ کیا گیا کہ پاک فوج ریاست میں سکیورٹی کے حوالے سے اپنا کردار ادا کرتی رہے گی اور قومی امنگوں کو پورا کرنے میں کوئی کسر نہیں چھوڑے گی۔

Comments

comments

یہ بھی پڑھیں