وزیراعظم نوازشریف نے زیارت میں قائداعظم ریذیڈنسی کا افتتاح کردیا -
The news is by your side.

Advertisement

وزیراعظم نوازشریف نے زیارت میں قائداعظم ریذیڈنسی کا افتتاح کردیا

زیارت : وزیراعظم نوازشریف نے زیارت پہنچ کر قائداعظم ریذیڈنسی کا افتتاح اور پرچم کشائی کی، آرمی چیف،وزیراعلیٰ اورگورنر بلوچستان بھی تقریب میں موجود تھے۔

تخریب کاری کا نشانہ بننے والی قائد اعظم ریزیڈینسی تعمیر نو کے بعد پھر سے کھل گئی، وزیر اعظم نواز شریف نے یوم آزادی کے موقع پر زیارت پہنچ کر قائد کی رہائش گاہ کا افتتاح کیا، آرمی چیف جنرل راحیل شریف بھی وزیراعظم کے ہمراہ تھے۔

افتتاحی تقریب کے موقع پر گورنر اور وزیراعلیٰ بلوچستان بھی موجود تھے، وزیراعظم نواز شریف نے قائداعظم ریزیڈنسی پر قومی پرچم لہرایا، افتتاح کے بعد وزیراعظم نے قائد اعظم ریذیڈینسی کا جائزہ لیا اس موقع پر وزیراعظم کو بریفنگ بھی دی گئی ۔

زیارت ریزیڈینسی کو پندرہ جون دو ہزار تیرہ میں تخریب کاری کا نشانہ بنایا گیا تھا، وزیر اعظم نواز شریف اور وزیراعلیٰ بلوچستان کی ہدایت کے بعد ریذیڈینسی کو دوبارہ تعمیر کر کے کھول دیا گیا۔

Comments

comments

یہ بھی پڑھیں