وزیراعظم نوازشریف کا سابق صدرآصف زرداری کو ٹیلی فون -
The news is by your side.

Advertisement

وزیراعظم نوازشریف کا سابق صدرآصف زرداری کو ٹیلی فون

کراچی وزیراعظم نوازشریف نےسابق صدرآصف علی زرداری سےٹیلی فون پررابطہ کیا ہے،دونوں رہنمائوں میں اس بات پراتفاق کیا گیا کہ ملک میں جمہوریت کونقصان نہیں پہنچنے دیا جائے گا۔

پی ٹی آئی کا لانگ مارچ بن گیاحکومت کیلئےامتحان،وزیراعظم نوازشریف نے سابق صدرآصف زرداری کو فون کردیا،ذرائع کےمطابق ٹیلی فونک رابطے میں تازہ ترین سیاسی صورتحال پر تبادلہ خیال کیا گیا۔

سابق صدرآصف علی زرداری نے وزیراعظم نوازشریف کو مشورہ دیا کہ موجودہ سیاسی صورتحال کےتناظراور جمہوری ماحول کو سازگاربنانے کیلئے اپنے موقف میں لچک لائیں، وزیراعظم کا کہنا تھا ان کی حکومت جمہوریت کےاستحکام اورحالات کومعمول پرلانےکیلئےاقدامات پریقین رکھتی ہے۔

دونوں رہنماؤں نےاتفاق کیا کہ جمہوریت کو نقصان نہیں پہچنے دیا جائے گا،وزیراعظم نوازشریف اور سابق صدر زرداری میں موجودہ سیاسی حالات کے پیش نظر عمران خان،امیرجماعت اسلامی سراج الحق سمیت مختلف سیاسی رہنمائوں سے رابطوں اور ان کی جانب سے مطالبات پربھی تبادلہ خیال کیاگیا۔

ذرائع کا کہنا ہے صدر زرداری نےعمران خان کی جانب سے چارحلقوں میں دوبارہ ووٹوں کی گنتی سے متعلق چارمطالبات پرعمل درآمد کیلئے حکومت پرزور دیا،سابق صدرزرداری کا کہناتھااس حوالےسےحکومت مثبت اقدامات کرے توموجودہ سیاسی کشیدگی میں کیلئےخاطرخواہ مدد ملے گی۔

صدر آصف علی زرداری کا کہنا تھا کہ حکومت اسلام آباد کو آرٹیکل دوسوپینتالس کے تحت فوج کے حوالے کرنےکےمعاملے پرنظرثانی کرے، اس حوالے سےجمہوری طریقہ کارکوترجیح دی جائے۔

Comments

comments

یہ بھی پڑھیں