وزیراعظم نوازشریف کل چین کے دورے پرروانہ ہو رہے ہیں، دفترخارجہ -
The news is by your side.

Advertisement

وزیراعظم نوازشریف کل چین کے دورے پرروانہ ہو رہے ہیں، دفترخارجہ

اسلام آباد: ترجمان دفترِخارجہ تسنیم اسلم کا کہنا ہے کہ وزیرِاعظم نوازشریف کل چین کے دورے پر روانہ ہورہے ہیں، دورے میں دونوں ملکوں کے درمیان مفاہمتی یادداشتوں پردستخط ہوں گے۔

اسلام آباد میں ہفتہ وار پریس بریفنگ کے دوران دفتر خارجہ کی ترجمان تسنیم اسلم کا کہنا تھا کہ وزیرِاعظم نوازشریف کے چین کے دورے سے دوطرفہ تعلقات کو مزید فروغ ملے گا، پاکستان اور چین کے درمیان توانائی کے شعبے میں سمجھوتے کئے جائیں گے ۔

ترجمان دفتر خارجہ کا کہنا تھا کہ پاک بھارت مذاکرات خطے اور دونوں ممالک کی ضرورت ہیں۔

امریکی محکمہ دفاع کی رپورٹ کے بارے میں ان کا کہنا تھا کہ ہم نے اپنے تحفظات سے امریکی سفیر کو آگاہ کر دیا ہے، آپریشن ضربِ عضب جاری ر ہے گا، ان کا مزید کہا تھا کہ نومنتخب افغان صدر جلد پاکستان کا دورہ کریں گے۔

Comments

comments

یہ بھی پڑھیں