site
stats
پاکستان

وزیراعظم نوازشریف کی اہلیت سے متعلق لیگل نوٹس اسپیکرقومی اسمبلی کوبھجوا دیا

اسلام آباد: وزیراعظم نواز شریف کو نااہل قرار دینے کیلئے سپیکر قومی اسمبلی کو لیگل نوٹس بھجوا دیا۔

منیر احمد ایڈووکیٹ کی جانب سے اسپیکر قومی اسمبلی بھجوائے گئے لیگل نوٹس میں کہا گیا ہے کہ فوج کی ثالثی کے معاملے پر جھوٹ بول کر وزیراعظم صادق اور امین نہیں رہے، اسپیکر قومی اسمبلی الیکشن کمیشن کو وزیراعظم کیخلاف ریفرنس بنا کر بھیجیں اور انہیں نااہل قرار دیا جائے۔

لیگل نوٹس میں کہا گیا کہ اگر ایک ہفتے میں کارروائی شروع نہ کی گئی تو اسپیکر قومی اسمبلی کیخلاف قانونی کاروائی کی جائے گی۔

واضح رہے اس سے قبل تحریک انصاف نے پارلیمنٹ میں غلط بیانی اور فوج کو سیاست میں شامل کرنے پر وزیراعظم نوازشریف کی اہلیت کو لاہور ہائیکورٹ میں چیلنج کردیا۔

تحریک فوج کی ثالثی کے معاملے پر وزیراعظم نواز شریف کی اہلیت لاہور ہائیکورٹ میں چیلنج کر دی گئی،  درخواست انصاف لائرز فورم کی جانب سے دائر کی گئی، درخواست گزار کا موقف تھا کہ وزیراعظم نواز شریف نے فوج کی ثالثی کے معاملے پر قومی اسمبلی میں جھوٹ بولا جبکہ آئی ایس پی آر نے وضاحت کر دی ہے کہ حکومت نے آرمی چیف سے مصالحت کی درخواست کی تھی۔

موقف میں کہا گیا ہے کہ قومی اسمبلی میں جھوٹ بول کر وزیراعظم آرٹیکل 62، 63 کے تحت صادق اور امین نہیں رہے، اس لئے انہیں نااہل قرار دیا جائے۔ جھوٹ بولنے کے باعث وزیراعطم نواز شریف باسٹھ تریسٹھ کی شرط پر پورا نہیں اترتے۔

گزشتہ روز قومی اسمبلی میں خطاب کے دوران وزیراعظم نواز شریف کا کہنا تھا کہ تحریک انصاف اور عوامی تحریک کی جانب سے درخواست پر فوج کو ثالثی کا کردار ادا کرنے کیلئے حکومت نے نہیں کہا ۔ قومی اسمبلی میں جھوٹ بولنے پر وزیراعظم نواز شریف کی اہلیت لاہور ہائیکورٹ میں چیلنج کر دی گئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top