وزیراعظم نوازشریف کی زیرصدارت ن لیگ کا اہم اجلاس -
The news is by your side.

Advertisement

وزیراعظم نوازشریف کی زیرصدارت ن لیگ کا اہم اجلاس

اسلام آباد: وزیراعظم نوازشریف کی زیرصدارت اجلاس میں شہبازشریف کے استعفے اور مقدمے کے اندراج پر مسلم لیگ ن کے اندر دو آرا پائی گئیں، اجلاس میں اہم لیگی رہنماؤں نے حکومت قربان نہ کرنے کا مشورہ دیا۔

آزادی اور انقلاب مارچ کے ساتھ مذاکرات کی ناکامی کے بعد وزیراعظم نواز شریف کی زیر صدارت ن لیگ کا اہم اجلاس ہوا، اجلاس میں دھرنوں کی صورتحال پر پارٹی رہنماؤں سے مشاورت کی گئی۔

اجلاس کے دوران موجودہ سیاسی بحران کے حل کیلئے مسلم لیگ ن کے رہنما مختلف رائے کا شکار ہوگئے، عمران خان اور ڈاکٹر طاہرالقادری کے وزیراعلیٰ پنجاب کے استعفے کے معاملے پر ن لیگ کے اندر دو آرا پائی گئیں۔

اجلاس میں کچھ ن لیگی رہنماؤں کا کہنا کہ شہباز شریف کیخلاف سانحہ ماڈل ٹاؤن کا مقدمہ درج کیا جائے اور وزیراعلی پنجاب استعفی دیدیں، جبکہ وزیراعلیٰ پنجاب کو ان کی کچن کیبنٹ نے ڈٹ کر مقابلہ کرنے کا مشورہ دیا۔۔

اجلاس کے دوران اہم لیگی رہنماؤں نے وزیراعظم کو طاہر القادری کے مطالبات پر حکومت قربان نہ کرنے کا مشورہ دیا۔

Comments

comments

یہ بھی پڑھیں