وزیراعظم کا دورہء سکھر منسوخ، کل آمد متوقع -
The news is by your side.

Advertisement

وزیراعظم کا دورہء سکھر منسوخ، کل آمد متوقع

اسلام آباد: وزیرِاعظم نوازشریف نے آج سکھر میں سیلاب سے متاثرہ علاقوں کا دورہ منسوخ کر دیا ہے، وزیرِاعظم کل متاثرہ علاقوں کا دورہ کریں گے۔

سیاسی رہنماء بھی سیلاب سے متاثرہ علاقوں کا دورہ کر رہے ہیں جبکہ متاثرین کی امداد کے لیے ہر ممکن اقدامات کیے جا رہے ہیں، وزیرِ اعظم نواز شریف بھی آج سکھر کے متاثرہ علاقوں کا دورہ کرنے والے تھے، جہاں انہیں سیلابی صورتحال کے حوالے سے بریفنگ دی جانی تھی۔

وزیرِاعظم کو گھوٹکی سمیت سکھر میں کچے کے علاقوں کا فضائی دورہ اور متاثرہ علاقوں میں امدادی کاموں کا جائزہ لینا تھا تاہم دورہء پنجاب کی وجہ سے وزیرِاعظم کو سکھرکا دورہ منسوخ کرنا پڑا، وزیرِاعظم کا یہ دورہ کل متوقع ہے۔

دوسری جانب پیپلز پارٹی کے چیئرمین بلاول بھٹو زرداری آج سکھر اور چنیوٹ میں سیلاب زدہ علاقوں کا دورہ کر رہے ہیں۔

Comments

comments

یہ بھی پڑھیں