site
stats
اہم ترین

وزیراعظم کا دورۂ امریکا، 3کروڑ17لاکھ خرچ ہوئے، رپورٹ جمع

لاہور: وزیرِاعظم کے دورۂ امریکا پر تین کروڑ سترہ لاکھ روپے لاگت آئی، لاہور ہائی کورٹ میں اخراجات کی رپورٹ جمع کرادی گئی ہے۔

لاہورہائی کورٹ میں وزیرِاعظم کے بیرون ملک دوروں کے خلاف درخواست کی سماعت جسٹس سید منصور علی شاہ نے کی،عدالت میں دورہ امریکا پر اٹھنے والے اخراجات سے متعلق رپورٹ پیش کی گئی، سرکاری وکیل نے وزیرِاعظم کے دورۂ امریکا کی تفصیل پیش کی، جس میں بتایا گیا کہ وزیرِاعظم کے ساتھ تئیس رکنی وفد امریکا گیا، جس پر تین کروڑ سترہ لاکھ روپے لاگت آئی، وزیرِاعظم کے دوروں کے لیے باقاعدہ رقم مختص کی جاتی ہے۔

سرکاری وکیل کا کہنا تھا کہ وزیرِاعظم کے بیرون ملک دوروں کے اخراجات کے لیے پارلیمنٹ نے منظوری دے رکھی ہے، عدالت نے کیس کی مزید سماعت غیر معینہ مدت تک ملتوی کردیا۔

دوسری جانب درخواست گزار نے مؤقف اختیار کیا کہ وزیرِاعظم  مسلسل بیرون ملک دورے کررہے ہیں، جس پر قومی خزانے سے اربوں روپے خرچ ہوتے ہیں، ترکی ، چائنہ اور انگلینڈ میں وزیرِاعظم نجی کاروباری دورے کرتے ہیں مگر اس پر سرکاری خرچ کیا جاتا ہے، وزیرِاعظم فیملی کے ہمراہ جاتے ہیں اور مہنگے اور پرتعیش ہوٹلوں میں ٹھہرتے ہیں، لہذا عدالت سرکاری خرچ پر وزیرِاعظم کو بیرون ملک دوروں سے روکنے کا حکم دے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top