site
stats
اہم ترین

وزیراعظم کا قومی سلامتی کمیٹی کا اجلاس آج طلب

اسلام آباد: وزیراعظم کی زیر صدارت قومی سلامتی کمیٹی کا اجلاس آج ہوگا، تین وزراء اعلی،عسکری قیادت اور پارلیمانی جماعتوں کے سربراہوں کو شرکت کی دعوت دی گئی ہے جبکہ تحریک انصاف نے شریک نہ ہونے کا اعلان کردیا ہے۔

ملک کا سیاسی ماحول گرم ہے، سیاسی ہلچل کو کیسے نارمل کیا جائے وزیراعظم محمد نواز شریف نے قومی سلامتی سے متعلق اہم اجلاس طلب کر لیا ہے۔

اجلاس میں مسلح افواج کے سربراہان، ڈی جی آئی ایس آئی سمیت تین صوبوں کے وزراء اعلی اور تمام پالیمانی جماعتوں کے رہنما شرکت کریں گے، قومی سلامتی کانفرنس کے اجلاس کی صدارت وزیراعظم نواز شریف کریں گے۔

ذرائع کے مطابق اجلاس میں ملک کی سیاسی صورتحال کے علاوہ آپریشن ضرب عضب اور قومی سلامتی کے امور زیر غور آئیں گے، تحریک انصاف نے قومی سلامتی اجلاس میں شریک نہ ہونے کا فیصلہ کیا ہے، عمران خان نے وزیر اعلی خیبرپختونخوا پرویز خٹک کو بھی اجلاس میں شریک ہونے سے روک دیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top