وزیراعظم کراچی آئے لیکن کوئی کارروائی نہیں ہوئی، حیدرعباس رضوی -
The news is by your side.

Advertisement

وزیراعظم کراچی آئے لیکن کوئی کارروائی نہیں ہوئی، حیدرعباس رضوی

کراچی: متحدہ قومی مومنٹ کے رہنماحیدر عباس رضوی کاکہنا ہے کہ وزیراعظم کراچی آئے لیکن کالعدم تنظیموں کے خلاف کوئی کارروائی نہ ہوئی،انہوں نے آرمی چیف،وفاق اور وزیراعلی سندھ سے سنگین حالات کی جانب توجہ دینے کی اپیل کی ہے ۔

ایم کیو ایم رابطہ کمیٹی کے رکن حیدر عباس رضوی کا کہنا ہے کہ کالعدم مذہبی جماعتوں کے دہشت گرد کراچی میں دندناتے پھر رہے ہیں، لیکن حکمرانوں کی آنکھیں بند ہیں، ایم کیو ایم کے بے گناہ کارکنان کے گھروں پر روزانہ کی بنیادوں پر چھاپے مارے جارہے ہیں۔

حیدر عباس رضوی نے کہا کہ ایم کیو ایم کے کارکنان اور مسلک کی بنیاد پر شہریوں کو قتل کیا جارہا ہے، لیکن کوئی گرفتاری عمل میں نہیں آئی، قانون نافذ کرنے والے اداروں کی رٹ کو چیلج کیا جارہا ہے۔

انہوں نے کہا کہ ایسا لگتا ہے کہ کالعدم تنظیم کے دہشت گردوں کو قتل کا لائسنس دے دیا گیا ہے۔

Comments

comments

یہ بھی پڑھیں