site
stats
پاکستان

وزیرِاعظم کوسیلاب سے نقصانات کے حوالے سے رپورٹ پیش

 لاہور: نیشنل ڈیزاسٹر مینیجمنٹ نے پنجاب کے دریاؤں میں فلڈ وارننگ جاری کردی اوروزیراعظم کو سیلاب سے ہونے والےنقصانات کے حوالے سے رپورٹ پیش کردی گئی ہے۔

محکمہ موسمیات اورنیشنل ڈیزاسٹرمینیجمنٹ نےفلڈ وارننگ جاری کرتےہوئےدریائےراوی ،چناب ،ستلج اورجہلم میں سیلاب کی پیشگوئی کی ہے، چناب میں ہیڈ مرالہ کے مقام پر اونچے درجےکا سیلاب ہے، دن گیارہ سےشام پانچ بجے کےدرمیان سات لاکھ کیوسک کاریلہ ہیڈ خانکی اور شام پانچ بجے سے رات گیارہ بجےکے قریب ہیڈ قادرآباد سے گزرے گا۔

بھارت کی جانب سےبگلہار ڈیم سےچھوڑاجانے والاچھ لاکھ کیوسک کا ریلہ آج پاکستان پہنچے گا، سیالکوٹ، گجرات،گوجرانوالہ ، حافظ آباد ،پنڈی بھٹیاں،چنیوٹ ،سرگودھا،شورکوٹ اورملتان میں بڑے پیمانےپرتباہی کاخدشہ ہے۔

انتظامیہ کی جانب سے دریائےچناب کے آس پاس تمام شہروں میں ایمرجنسی نافذ کرتے ہوئے کسی بھی ممکنہ صورت حال سےنمٹنےکےلیے تیار رہنے کا حکم دیاگیاہے۔

دریائے جہلم اوردریائے پونچھ میں بھی اونچےدرجےکا سیلاب ہے، دریا کنارے بسنے والے افراد کو محفوظ مقامات پر منتقل کردیا گیا۔

آزاد کشمیر، پشاور،مردان،کوہاٹ ،مالا کنڈ اور ہزارہ ڈویژن میں پی ڈی ایم اے نے ندی نالوں میں طغیانی کےخدشات کےسبب ہائی الرٹ جاری کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top